Soundtracks: A B C D E F G H I J K L M N O P Q R S T U V W X Y Z #

List of artists: A B C D E F G H I J K L M N O P Q R S T U V W X Y Z #


Want fi goh rave


Linton Kwesi Johnson Lyrics

 

Want fi goh rave by Linton Kwesi Johnson


I woz
waakin doun di road road
di addah day
when a hear a lickle yout-man say
him seh:
y´u noh si mi situation
mi don´t have noh accamadaeshan
mi haffi sign aan at di station
at six in di evenin´
mi seh mi life got no meanin´
ah jus´ livin´ widout feelin´
still
mi haffi mek a raze
kaw mi come af age
an mi want fi goh rave
I woz
waakin doun di road
annadah day
w´en ah hear annadah yout-man say
him seh:
mi naw wok fi noh pittance
mi naw draw dem assistance
mi use to run a lickle rackit
but wha, di police dem di stap it
an ah had woz to hap it
still
mi haffi mek a raze
kaw mi come af age
an mi want fi goh rave
I woz waakin doun di road
yet annadah day
w´en ah hear annadah yout-man say
him seh:
mi haffi pick a packit
tek a wallit fram a jackit
mi haffi dhu it real crabit
an´ if a lackit mi haffi pap it
an´ if a safe mi haffi crack it
ar chap it wid mi hatchit
but
mi haffi mek a raze
kaw mi come af age
an mi want fi goh rave



A-Z Lyrics Universe

Lyrics / song texts are property and copyright of their owners and provided for educational purposes.