» » »

Blaue Mäntig Lyrics

Blaue Mäntig by Stiller Has  

CD  ·  DVD  ·  Sheet music


Blaue Mäntig Mmm... es isch Mäntig
Graue Mäntigmorge im Novämber
I mache blau, i mache blau
I ha ja Zyt

E Penner vorem Denner, louft sit Tage stier
Är nimmt no es Bier, ihm isch gliich was gestern isch
Är luegt wie d Chäre düre göh
D Lüt dasumehase oder soublöd dasume stöh am ne blaue Mäntigmorge
Am ne blaue Mäntigmorge, am ne blaue Mäntigmorge
Blau blau blau blau blau blau blau blau blau blau blau blau

När chunnt der Abwart wo nümm wott Hene heisse, är heisst itz Karl
U seit: I ha ja nüt persönlech gäge di nume gäge die verdammti Souerei
Gäng die verdammti Souerei da, die Souerei
Chouf doch dys Bier u verreis, hey - gang doch nach Moskau oder hei
Am ne blaue Mäntigmorge, am ne blaue Mäntigmorge

Es Grosi mit kirschrote Leggins het es Piercing i de Lippe
U singt es Lied, het es Bier vor Nase u trinkt scho am Morge früeh ir Stehbar
U roukt en "Ultra Select"-Kippe
Gestern het si es Bingo gmacht, hütt wünscht si sech e Wunsch
Nume furt, nume furt, nume fort us dere Stadt
Wo d gäng nume gisch u glych nie überchunnsch
Scho gar nid am ne blaue Mäntigmorge
Sie het ihm s Gebiss saniert, alli Zähn sy fasch neu
U syni Schufle isch gschmückt vom ne fasch ächte Diamant
Sie het ihm e roti Vespa kouft, so rot wie nes Füürwehrouto
U ihri Haar, die sy jitz blond am ne blaue Mäntigmorge
Houptsach blond amne blaue Mäntigmorge

Zwöi Verliebti ufem Bushaltstellebänkli tüe so als ob's Mai wär u nid Novämber
Als ob si unter em ne Boum ir volle Bluescht u nid näb de Veloständer
Am ne blaue Mäntigmorge, am ne blaue Mäntigmorge

Tätsch bumm, e Unfall - der Corsa chasch vergässe
Der Chare ghört em Vatter u das git Krach bim Znachtfrässe
När chunnt e Blauliechtchare düre, jagt irgend so ne Depp wäg irgend som ne Seich
U drü Chäpplibuebe luege schreeg, sie hei die Mehrzwäckhallewand aagspreit
U lose Rap am ne blaue Mäntigmorge, am ne blaue Mäntigmorge

I mache blau am ne graue Novämbermorge
Blaue Novämbermäntigmorge, e blaue Novämbermäntigmorge

Blaaaue Määääntigmorge - Mäntigmooooorge blau
I mache blau am ne graue Mäntigmorge, am ne graue Mäntigmorge machi blau
I mache blau, i mache blau am ne Mäntigmorge
Blau blau blau blau blau blau blau blau blau blau blau blau
Blaaaaaaaaaaaau
Blau blau blau blau blau blabla-blau blau blablabla blablabla...
Dede blau! dede blaublau, dede blau blau blau
Blau blau blau blau



CD  ·  DVD  ·  Sheet music
Comments

comments powered by Disqus