Reggae Fi Dada Lyrics

Linoleum Lyrics Reggae Fi Dada

  Browse by artist name Search Browse by soundtrack
 A B C D E F G H I J K L M N O P Q R S T U V W X Y Z #
A B C D E F G H I J K L M N O P Q R S T U V W X Y Z #

Reggae Fi Dada


by Linoleum. Buy album CD: You Should Know Better By Now


Galang dada
Galang gwwaan yaw sah
Yu nevvah ad noh life fi live
Jus di wan life fi give
Yu did yu time pan ert
Yu nevvah get yu jus dizert
Galang goh smile inna di sun
Galang goh satta inna di palace af peace

O di waatah
It soh deep
Di waatah
It soh daak
An it full a hawbah shaak

Di lan is like a rack
Slowly shattahrin to san
Sinkin in a sesa af calamity
Where fear breed shadows
Dat lurks in di daak
Where people fraid fi waak
Fraid fi tink fraid fi taak
Where di present is haunted by di pass

A deh soh mi bawn
Get fi know bout staam
Learn fi cling to di dawn
An wen mi hear mi daddy sick
Mi quickly pack an tek a trip

Mi nevvah have noh time
When mi reach
Fi si noh sunny beach
Wen mi reach
jus people a live in shack
people livin back-to-back
mongst cackroach an rat
mongst dirt an dizeez
Subjek to terrorist attack
Political intrigue
Kanstant grief
An noh sign af relief

O di grass
Turn brown
Soh many trees
Cut doun
An di lan is ovahgrown

Fram country to toun
Is jus tissel an tawn
Inna di woun a di poor
Is a miracle ow dem endure

Di pain nite an day
Di stench af decay
Di clarin sights
Di guarded affluence
Di arrogant vices
Cole eyes af kantemp
Di mackin symbals af independence

A deh soh mi bawn
Get fi know bout staam
Learn fi cling to di dawn
An wen di news reach mi
Seh mi wan daddy ded
Mi ketch a plane quick

an wen mi reach mi sunny isle
it woz di same ole style
di money well dry
di bullits dem a fly
plenty innocent a die
many rivahs run dry
ganja planes flyin high

di poor man im a try
yu tink a lickle try im try
holdin awn bye an bye
wen a dallah cyaan buy
a lickle dinnah fi a fly

Galang dada
Galang gwaan yaw sah
Yu nevvah ad noh life fi live
Jus di wan life fi give
Yu did yu time pan ert
Yu nevvah get yu jus dizert
Galang goh smile inna di sun
Galang goh satta inna di palace af peace

Mi know yu couldn't tek it dada
Di anguish an di pain
Di suffahrin di prablems di strain
Di strugglin in vain
Fi mek two ens meet
Soh dat dem pickney coulda get
A lickle someting fi eat
Fi put cloaz pan dem back
Fi put shoes pan dem feet
Wen a dallah cyaan buy
A lickle dinnah fi a fly

Mi know yu try dada
Yu fite a good fite
But di dice dem did loaded
An di card pack fix
Yet still yu reach fifty-six
Before yu lose yu leg wicket
' a noh yu bawn grung here'
Soh wi bury yu a Stranger's Burying Groun
Near to mhum an cousin Daris
Nat far fram di quarry
Doun a August Town



sheet music Buy Linoleum sheet music
cd Buy Linoleum CDs
guitar tabs Linoleum guitar tabs
Album: You Should Know Better By Now Lyrics
cd Buy "You Should Know Better By Now" CD
  1. Bass Culture
  2. Come Wi Goh Dung Deh
  3. Di Anfinish Revalueshan
  4. Di Black Petty Booshwah
  5. Di Eagle An' Di Bear
  6. Di Good Life
  7. Fite Dem Back
  8. Five Night Bleeding
  9. I Will Never Fall In Love
  10. Inglan Is A Bitch
  11. It Dread Inna Inglan
  12. It Noh Funny
  13. Loraine
  14. Making History
  15. Mi Revalueshanary Fren
  16. Reggae Fi Dada
  17. Reggae Fi Radni
  18. Reggae Sounds
  19. Sense Outa Nansense
  20. Sonny's Lettah
  21. Sonny's Lettah (Anti-Sus Poem)
  22. Story
  23. Street '66
  24. Swim
  25. This Game
  26. Tings An Times
  27. Two Sides Of Silence
  28. Want Fi Goh Rave
  29. Wat About Di Working Claas?

Comments







Song words / lyrics from You Should Know Better By Now album CD are property & copyright of their owners and provided for educational purposes.
DMCA Policy | Add/correct lyrics  |  Request lyrics  |  Links  |  Privacy | Contact us    © STLyrics.com 2002 -