Lyrics/song texts are property and copyright of their owners and provided for educational purposes only.
Frae the Friends and Land I Love Lyrics by Burns Robert
Frae the Friends and Land I Love by Burns Robert
Frae the friends and land I love
Driv'n by Fortune's felly spite,
Frae my best belov'd I rove,
Never mair to taste delight
Never mair maun hope to find
Ease frae toil, relief frae care.
When remembrance wracks the mind,
Pleasures but unveil despair.
Brightest climes shall mirk appear,
Desert ilka blooming shore,
Till the Fates, nae mair severe,
Friendship, love, and peace restore;
Till Revenge, wi' laurell'd head,
Bring our banish'd hame again,
And ilk loyal, bonie lad
Cross the seas, and win his ain!
Tune: Carron Side (341)