Móti Ragnar Lyrics
by Bury Your Dead
Móti Ragnar Song Lyrics
Móti Ragnar by Bury Your Dead
Hátt blæss Heimdallr
Horn er á lopti.
Mælir Óðinn
Við Míms høfuð.
Skelfr Yggdrasils
Askr standandi,
Ymr it aldna tré
En jøtunn losnar.
II
Hvat er með Ásum?
Hvat er með álfum?
Ymr allr Jøtunheimr.
Æsir ró á þingi.
Stynja dvergar
Fyrir steindurum,
Veggbergs vísir.
Vituð ér enn eða hvat?
III
Hrymr ekr austan
Hefisk lind fyrir.
Snýsk Jørmungandr
í jøtunmóði.
Ormr knýr unnir,
ørn mun hlakka,
Slítr nái niðfølr,
Naglfar losnar.
IV
Kjóll ferr austan,
Koma munu Muspells
Of løg lýðir,
En Loki stýrir.
Þar ró fíflmegir
Með freka allir.
Þeim er bróðir
Býleists í før.
V
Surtr ferr sunnan
Með sviga lævi.
Skínn af sverði
Sól valtíva.
Grjótbjørg gnata
En gífr rata,
Troða halir Helveg
En himinn klofnar.
VI
Þá kømr Hlínar
Harmr annarr fram
Er Óðinn ferr
Við úlf vega.
En bani Belja
Bjartr at Surti:
þar mun Friggjar
Falla angan.
VII
Gengr Óðins son
Við úlf vega,
Viðarr of veg
At valdýri.
Lætr hann megi
Hveðrungs
Mund of standa
Hjør til hjarta.
Þá er hefnt føður.
VIII
Gengr inn mæri
Møgr Hløðynjar
Nepr at naðri
Níðs ókviðnum.
Munu halir allir
Heimstøð ryðja
Er af móði drepr
Miðgarðs véorr.
IX
Sól mun sortna,
Søkkr fold í mar.
Hverfa af himni
Heiðar stjørnur.
Geisar eimi
Ok aldrnari,
Leikr hár hiti
Við himin sjálfan.
Popular Songs
It's A Man's Man's Man's World
by James Brown I Feel Good
by James Brown Do-Re-Mi
by Sound Of Music Rainbow Connection
by Muppets So Long, Farewell
by Sound Of Music Sixteen Going On Seventeen
by Sound Of Music You Give Me Fever
by Peggy Lee The heart of worship
by Matt Redman Time Warp
by Horror Rocky The Rocky Road To Dublin
by Dubliners
by James Brown I Feel Good
by James Brown Do-Re-Mi
by Sound Of Music Rainbow Connection
by Muppets So Long, Farewell
by Sound Of Music Sixteen Going On Seventeen
by Sound Of Music You Give Me Fever
by Peggy Lee The heart of worship
by Matt Redman Time Warp
by Horror Rocky The Rocky Road To Dublin
by Dubliners
A-Z Lyrics Universe
Lyrics / song texts are property and copyright of their owners and provided for educational purposes only. Translation: letra, paroles, liedtexte,
songtext, testi, letras, текст песни, 歌词, كلمات الأغاني, गाने के बोल, mga titik ng kanta.